سلام الله على اسمك : الشاعر ابو مرتضى السماوي
سلام الله على اسمك يا اسد كوفان ...يا نعمة الباري وعظم احسانه
موش انه الحقير وجاي حتى ارثيك ... رثاك الدين وتزلزلت اركانه
يا منقذ اجيال من الظلم للنور... ويا مرعب الطاغي ومرعب اعوانه
بيك اهل الدجل مرعوبه يا مولاي ... وبيك الحر گبر كل يوم ايمانه
حگهه الگاع فرحانه بهذاك اليوم ... چيه ضمت جسد بالعرش نيشانه
مو دمك جرى علاالگاع يا مولاي ... هذا الدين ينزف جرح وجدانه
يا ابو المصطفى ويا ابو المؤمل ليش ... كل عدوانك بهاليوم فرحانه
احسنك تگلي خلهم يفرحون ... انظر عاقبتهم وين صفيانه
اذكر آل امية وشوف ابو السجاد ... منهو اليظل شامخ عالي بسمانه
اعذرني ارد اسولف انه يا مولاي ... واكرر واعتذر من منبرك انه
اريد افضح دجلهم وافضح اهل الزيف جرح گلب اليحبك ما طفت لليوم نيرانه
يا سيدنا شأسولف گلي ابدي بس... بس الي يحبك كثرة عدوانه
شوف ابنك وحيد ببين حفنة ذياب ... كلهة لمنحره بكل خسه سعرانه
اجتنا احفاد رستم ويه گوم يهود ... واذناب آل امية علينه سعرانه
شرد حزب البعث وي زمرة الهدام ... بنو العباس اجت لدمانه عطشانه
جريمتنه محبتك يا اسد كوفان ... وجريمتنه بدعتك سيدي بهاليوم حليانه
مو گالوا بدع جمعة صدر هالدين ... شو صاروا قرودة على المنابر دوم طفرانه
شو همه على بوش وصوته متلهفين ... مثل بت الليالي على الطبل كل يوم ولهانه
يظل صوت الصدر صوت الحسين يصيح ... الا من ناصرا للدين ويانه
وظلوا انتوا عبيد وسجدوا للدولار ... ياهو الخرخش الكم صرتوا صحبانه
ويظل طفل المدينه بكل گصصكم عار ... ويظل سوگ الشيوخ وحرك فتيانه
ويظل اسم الصدر فاس بسما النهرين ... تكسر اصنامكم هيهات شبانه
ونظل نسگي ارضنا دموم فوك دموم ...لحد ما يظهر المهدي ويطر بالسيف كلمن عبد شيطانه
.................................................
ابشرك يا اسد من صورتك مولاي مرعوبين
شوفتهه تذكرهم بصوت حسين
ابد هيهات للذلة يا مذلولين
مرعوبه حتى من الصوره
الشاعر : ابو مرتضى السماوي
