صدر العراق: الموقع الرسمي للدكتورة مهى عادل مهدي الدوري - العراق. / كلمات مهداة من الأخت رشيدة عجرش عليوي الحجامي الى الدكتورة مها الدوري

كلمات مهداة من الأخت رشيدة عجرش عليوي الحجامي الى الدكتورة مها الدوري

1_____________ ( إليك ياسيدتي )

الى اليدان اللتان حملتا أكبر وطن .

الى من أرتدت مع العباءة الكفن .

الى كل معاني المحبة اذا أجتمعن .

إليك ياسيدتي ...

يافرحة الأيتام ، ياصبر المحن .

ياليتني كنت شاعرا ... وأنظم فيك أعظم شعر وياأجمل لحن .

ياأما ... ياأختا ... ياوطنا ... لو جار الزمن .

من أين لك كل هذا البهاء ... كل هذه الأرادة .. ياشامخة كشموخ الوطن .

يانبراسا سيضىء دربنا ... ويادربا لن ينتهي أبدا .

ويادربا قد أبتدأ ولن ينتهي أبدأ

2______ ( صوت المعتقل )

تنشدني الوادم حزنان .... يصاحب ليش

شسولف عن عمر كظيته بأحزان .

الناس أله عيد ألتعيد بيه ... وأنا عيدي بمناحه وآخ وأشجان .

أذا عندي أمل بالفرج لحظه يصير

تنسد بالهموم عليه بيبان .

رضيت أعيش مظلوم وأقدم تضحيات

واعلنت الحداد لأن مات بيه أنسان .

غريب أنه من صغر سني .. وأظل للدوم بلا عنوان .

وبلحظه يأس عايشه وي سجان .

لن شمس المدينة تصيح كالبركان .

تغطيني بأمل جفوفج ولا جني أنه البردان .

ياأول جفن اسود اللي شفناه .

يدوس بكل شجاعة أسوار الأمريكان .

نسيت وياج كل أهلي .. كل العمر .. سفينة نوح أنتي وأنتي الربان.

بهذيج طبتج جن (( أبو مؤمل )) صاح

بصوت يوم صاح كلا وهزه لكوفان .

وجنج عيون وأيد سيد مقتدى يوم الأشر بأصبع ورجف العربان

صدك مظلوم أنه إبلد ماعرف حقي ولارضا الرحمان

وصدك ناس ببلادي هواي كسرو بيه الجنحان

أحنه أنصار سيد مقتدى وأنصار للوالد شما طالت الأزمان

وتظل أنه قضيتي واضحه العنوان

ومن شفنه عباتج رفرفت وي ظلمة ليل . صارت بينه قوة بقوة الطوفان

ردنه نكسر أسوار السجن ونصيح لبيك سيد مقتدى وكلا أمريكان .

3____________ ( أنه السائل يا مها الدوري )

رضينا نعيش مظلومين ... بس مانرضه نعيش بالذله .

سنين من الصبر يامها الصوبين ... ومن كثر الجروح الجسد بيه عله .

شنداوي جرح يامها لو جرحين .. وياهو اللي نعوفه وياهو النشله .

نبات على الأمل والأمل صار سنين ... وصار الدمع سلوه وبيه نتسله .

زجم دمعه تصارع وي جفن العين ... والدهر سجين وألف نيشان خله .

على بابج وكفنه نصيح تعبانين ياأم الوفه والطيب والمحنه .

ندور عليج سنين وسنين ... يفنجان العمر صرتي أنتي والدله .

نشوف الدنيا دارت بينه مرتين ... الصكور تطيح والعصفور يتعله .

دنيناه كبر.. وياريت ميتين ... ماشفنه مثل ميتنه لابدين ولامله .

شوكت يامها إنام مرتاحين ... ونرد نحلم بعمر كون مانمله .

ياأم الأرامل والمساكين ... يمته أفرح ودمعي بعد ماأهله .

ياخيمه محبه كون ماتدرين ... يافرحه يتيم ينام وي حضن أهله

لا تنسينه يامنه حتى من تخفين .. الأم لو نطت ماتعرف المنه ...

4____________ ( خلفكِ سائرين )

ماشفنه مرة مثلج صارت يامها الصوبين

وماشفنه وحدة بها القوه

عباتج جفن اسود صارصوتج على العدو عبوه

فدوه تروحلج ملايين العيون وآنه عن نفسي عيوني ألج فدوه

عشكنه بيج طيب اهل الأهوار وطبع من الجنوب هايه النخوه

آنه السائل باب دارج صاح استعطي حنانج حتى لو كوه

ياأم الأرامل والمساكبن ... يافرحة طفل ياأم المروه

ياماي العذب ياللي صرتي للعطشان كبل ميضوك ماي بشفوتج يروه

عطاشه هواي بينه يامها الصوبين

ومن الجوع بينه بطون تتلوه

صدك صارت عليج هواي

وصدك أنتي أبتليتي بالخلك بلوه

صدك همج جبير وشاب منج راس بس طبع الجبل مايعرف الحنوه

تظلين بشموخ النخل مدنكين يانخل العراق وأنتي القدوه

يانخل العراق وأنتي القدوه